Муниципальное бюджетное дошкольное образовательное учреждение
Детский сад №2 «Кустук», с.Намцы,
МР «Намский улус», Республики Саха (Якутия)

Детский сад №2

https://kustuk.ou14.ru

Үтүө да үлэһиттэрдиин алтыспыт дьоллоохпун
  • Автор: kustuk
  • Опубликовано: 13.06.2021
  • Просмотров: 10
  • Комментариев: нет

Мин 1982 с., сааһыары, Бөтүҥ нэһилиэгэр үлэлии сылдьан, Нам сэлиэнньэтин 2 №-дээх «Кустук» оҕо саадыгар бэлэмнэнии бөлөххө үлэлии киирбитим. Дьиҥинэн, бирикээһим 1 №-дээх «Солнышко» детсаадыгар диэн этэ, ону мин иннибинэ Анна Степановна сэбиэдиссэйинэн ананан кэлэн, үлэлиир детсааппын көһөттөрбүтэ, онон эмиэ бииргэ үлэлиир буолбуппут. Ол курдук, бу детсаадка кини уурайыар диэри бииргэ үлэлээн кэлбиппит.

Мин үлэлии киирэрбэр детсаадпыт икки бөлөхтөөх этэ. Детсад отой былыргы үйэтээҕи кырдьаҕас дьиэ этэ, уруккута райсовет үһү. Котельнай, тоҕо эрэ, детсад иһигэр, кухняны кытта хаптаһынынан быысаһан турара. Ону барытын Анна Степановна кэлээт даҕаны сүүрэн-көтөн, эккирэтиһэн, туспа кухня, котельнай туттарбыта. Инньэ гынан, кэҥээн, аны 50 миэстэлээх дьааһыла-сад аһыллан үлэлээбиппит. Онтон 1994 сылтан сотору-сотору ыалдьар оҕолорго аналлаах детсад буолан үлэлээбиппит. 

Мин бастаан бэлэмнэнии бөлөҕөр Антонина Семеновна Тарбахованы кытта үлэлээбитим. Араас саастаах оҕолор бөлөхтөрүгэр иитээччилэринэн Матвеева Елизавета Степановна, Бубякина Виктория Ивановна үлэлээбиттэрэ. Ньээҥкэлэринэн бэлэмнэнии бөлөҕөр Васильева Федора Петровна, араас саастаах оҕолор сылдьар бөлөхтөрүгэр Филиппова Вера үлэлииллэрэ. Детсаадпыт повардарынан Готовцева Варвара Николаевна, Винокурова Марфа Георгиевна, таҥас сууйааччынан Мотрена Гаврильевна Сивцева үлэлээбиттэрэ. Ити курдук элбэх киһи үлэлээн ааспыта. 

Музыкальнай салайааччынан Христофорова Саргылана Ильинична, онтон мин, бочуоттаах сынньалаҥҥа барыахпар диэри, үлэлээбитим. Иитээччилэринэн Лариса Ивановна Дьяконова, Полина Прокопьевна Слепцова, Софья Ефремовна Сивцева, Валентина Константиновна Дьячковская, Раиса Ефимовна Харитонова, Вера Еремеевна Парникова, Мария Ивановна Сивцева үлэлээбиттэрэ. Кэлин Мария Ивановна логопедынан үлэлии сылдьан, саҥа «Сулусчаан» детсад тутуллан, онно сэбиэдиссэйинэн ананан барбыта. Кини оннугар логопедынан Осипова Олеся Анатольевна үлэтин саҕалаабыта. Өр сылларга бииргэ үлэлээбит кыргыттарым Жиркова Парасковья Афанасьевна, Бетюнская Анисия Артуровна, Дыдаева Юлия Степановна, Уваровская Мария Алексеевна — физрук, Никонова Александра Егоровна буолаллар. 

2006 сыллаахха «Тойук ньыматынан оҕо доруобуйатын тупсарыы» диэн бырайыак оҥорон, ону көмүскээн, экспериментальнай былаһаакка аатын сүкпүппүт. Элбэх  семинардарга, конференцияларга, маастар-кылаастарга, аһаҕас дьарыктарга кыттан, программам республикаҕа тарҕаммыта.

Мария Харитонова-Елисеева

Материал взят с сайта: энсиэли.рф

Accessibility